حدش شـــاف احســان مع مزة ..؟؟

[ندعوك للتسجيل في المنتدى أو التعريف بنفسك لمعاينة هذا الرابط]

حكــايه ..
شفقــــــة واحســـــــان ..

الراجل ده .. هيجننى ..!

اسكتوا بقى شفتوا سونة الخاين بيعمل فيا ايه؟؟
فى الملاك البرىء ....النسمة الرقيقة .... الجمال الفتان

[ندعوك للتسجيل في المنتدى أو التعريف بنفسك لمعاينة هذه الصورة]

احم احم اللى هو انا طبعا حد عنده اعتراض؟؟
المهم مقولكوش الراجل بقاله كام يوم متغير ولونه مخطوف
ومش عارفة مين الحرامى اللى خطفه
اقصد الحرامية بنت النشالة اللى نشنت عليه وهو يا حسرة جيوبه فاضية
اخ يا نارى لو كنت اعرفها كنت قرقشت طبلة ودنها لحد مسيبتها على العضم
طبعا مش فاهمين حاجة وتلاقيكوا انتن"نون النسوة" كمان نايمين فى العسل نوم
اقصد فى بلاص العسل كله ولا دريانين بيلى بيحصل
من وراكم اه مهو احنا نسمع كلمة حلوة من هنا نرخرخ طبلة ودننا من هنا

[ندعوك للتسجيل في المنتدى أو التعريف بنفسك لمعاينة هذه الصورة]

وقلبنا يهفهف ورجلينا تخبط فى بعضها
وننسى عمايلهم اللى زى وشهم
قال ايه كل ما اكلمه الاقيه مسهم وهايمان وبيحلم وهو صاحى

[ندعوك للتسجيل في المنتدى أو التعريف بنفسك لمعاينة هذه الصورة]

وعايش فى دنيا الخيال ولا عبد الحليم فى زمانه

[ندعوك للتسجيل في المنتدى أو التعريف بنفسك لمعاينة هذه الصورة]

وفيلم المخدة الفاضية اللى جابتلنا لوحة فى الرقبة والغضروف
وقال ايه يرد عليا بعد عشرومية ساعة وهو بيتنهد وبياخد نفس عميق
ولا اللى بياخد غطس فى طشت مية والنبى لاحدفك فيه واغرقك يا احسان
وقال ايه ليل ونهار بيبحلق فيا ولا اللى شايف عزرائيل
وكل شوية يبص للسقف كانه قاعد مستنى نجمة تنزله من فوق
الهى يرزقه بنجمة ابراهيم مش اى نجمة بتاعة ريا وسكينة

[ندعوك للتسجيل في المنتدى أو التعريف بنفسك لمعاينة هذه الصورة]

وحسرة عليها ما جت رجليها
بينى وبينكم انا شكيت فيه اه اصلى انا زى الابرة

[ندعوك للتسجيل في المنتدى أو التعريف بنفسك لمعاينة هذه الصورة]

اشك لحد ما اخيط غرزيتن فى نفوخه
وهسيبكم انتم اللى تخيطوا اقصد تحكموا
شفقة: سونة يا سونسون جيتلك اهو.... سونة يا حياتى ده على اساس انه رشدى اباظة وانا شادية
الهى تتبظظ عينيه الاتنين بظبوظة بظبوظة
احسان: تنهيدة تتبعها تافف مع اتفو... ايه يا وليه ما ترحمينى شوية
واقفة ليه فوق نفوخى اعتقينى ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

شفقة: ستى امبو سبل وجدى كمان ايه يا راجل ده؟؟
انت فاكر نفسك بتكلم ام زعبله الغسالة ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

ده حتى ام زعبله الناس بتعملها الف فوم وشطفة اقصد الف احترام عن كده
ايه الاسلوب البيئة ده؟؟
انا وليه انتى هتعملى زى يونس شلبى فى العيال كبرت "هو انتى الولية"
وايه فوق نفوخك دى كمان؟؟
احسان: يووووه مش هنخلص فوق نفوخى دى يا حياتى كناية عن انك ريشة ..عصفورة
حاجة خفيفة كده .....مش شوال رز لاسمح الله
شفقة: انت بتتريق يا سونة انا شوال؟؟
احسان: لا ذو الحجة....ولا اقولك زكيبة ها ايه رايك ؟؟
شفقة: زكيبة ايه وشوال ايه؟
ايه جو التموين اللى انت معيشنا فيه ده؟؟
احسان: دى يا حبيبتى اللى اسمها الشاعرية
شفقة: تقصد الشعرية مش الشاعرية
احسان: هو الواحد ما يعرفش يقعد يختلى مع نفسه شوية ياربى

[ندعوك للتسجيل في المنتدى أو التعريف بنفسك لمعاينة هذه الصورة]

شفقة: يتخلى وماله يا حبيبى ده على اساس انك فراخ بانيه
طيب كوكى كا ....كوكى كا يمكن ترد لما اكاكى
يا مصيبتى لتكون بتحب
احسان: طيب ايه رايك هسيبك لما تفقسى ومش هرد
هههههههههههه
يا ستى سيبينى شوية فى حاجات فى دماغى بفكر فيها
"وهوهيمان وسرحان "حاجات مهمة اوى حلوة اوى لذيذة خالص
يا حلاوتها يا قطاقيطها
المهم انا كنت شمه ريحة خيانة يتبعها شياط وحريقة وفوران فى الدم ومع ذلك
اقعدت استجوبه وعملت نفسى مش واخدى بالى من الكلام لحد ما يقر هو ويعترف
بنفسه وساعتها تقمصت دور المفتش كرومبو
شفقة: حاجات وحلوة وقطاقيط فى دماغك
الشر بره وبعيد.... قمل يعنى..ايوه هو مفيش غيره
اللهم احفظنا
خليت الواحد يتهرش ودماغه تاكله
طيب مش كنت تقول يا حبيبى انك جربان
احسان: جربان ...طيب سيبينى وحلى عن سمايا لحسن مرضى معدى وخطير
ابعدى بقى الاوكسجين راح من الاوضة هتخنق يا ساتر
شفقة: تتخنق وده يرضينى برضوا يا سونة
"بغيظ"ثوانى يا حياتى اجابلك انبوبة البوتجاز
احط خرطومها فى بقك
ولا تشيل هم هتتنفس احلى تنفس
يا ابنى انت معاك اجدع ممرضة
خريجة الشفخانة قسم كتم انفاس
احسان : وانتى هتقوليلى ده كتم انفاس واحتباس
ده ايه ياربى المصيبة اللى حدفتهالى فوق دماغى دى وانا ناقص خنقة
شفقة:بصوت عالى بتبرطم تقول ايه ؟؟
احسان: مربى.... هقول ايه يعنى؟؟
مش بتقولى ببرطم
شفقة: يا حلاوتك وسكرك الزيادة
بجد ...بجد مالك وايه حكايتك ؟؟متغير ليه ؟؟ ولونه مخطوف؟؟
وضربات قلبك زيادة...ومش طايقلى تنتوفة حرف
احسان : طيب بطلى تفافة غرقتينى قال ضربات قلب قال
اصلى افتكرت انى واخد احلى شلوت فى حياتى
ممكن تسيبينى شوية اعيش الامجينيشن وافكر فى المزة

[ندعوك للتسجيل في المنتدى أو التعريف بنفسك لمعاينة هذه الصورة]

شفقة:على صرخة واحدة يا لــــــــــــــــهوتى يا خـــــــــــــــــرابى
مزة .....مزة مين يا سى احسان دى كمان؟؟
ها ....انطق ......قول
اقوام بسرعة قبل ما السر الالهى يطلع فى ايدى

[ندعوك للتسجيل في المنتدى أو التعريف بنفسك لمعاينة هذه الصورة]

اه ما انا طبقت فى زمارة رقبته وانا هسيب حقى
فاكر نفسك دنجوان ...ولا دنجوان
عيب على الصلعة والحواجب البيضاء والديسك

[ندعوك للتسجيل في المنتدى أو التعريف بنفسك لمعاينة هذه الصورة]

احسان: ديسك !ديسك ايه؟؟ يا بنتى انا معرفش الا السى ديهات
ديسك ايه.... وبتاع ايه ؟؟
دانتى قديمة اوى... واظاهر ان السماعات عندك هنجت
والهارد خرف
والرامات عايزة تنضيف
وبعدين انتى بتسمعى ازاى بقى انا قلت مزة ....انا؟؟
"بخبث"حاشى ....وكلا
قال مزة قال
"برخامة ولئم"انـــــــــــــــــــــــ ا... معقول
وهى فين المزز دى ؟؟ وهو الواحد بعد ما اتجوزك بقى بيشوف مزز
ولا بيعرف الصنف ده من اصله
طيب قولى مرة
تبقى مبلوعة زى العيشة المرة كده
مش مزة
انتى بس غلطتى فى نقطة
ونقطتينى وعليتينى
اظاهر سمعك تقل
شفقة: سمعى تقل ليه وزنته ؟؟
ماشى يا سونة لما نشوف سمعى انا اللى تقل
ولا نظرك انت اللى خف

[ندعوك للتسجيل في المنتدى أو التعريف بنفسك لمعاينة هذه الصورة]

يا مصيبتى ليكون الراجل بيحب ولا بيخونى ولا يروح يعمل زى الحاج ميتو ويروح يتجوز عليا يا خرابى نفوخى صواميله بتفك
ماشى استنى عليا يا حاج احسان اما واريتك
ومن ساعتها وانا مابنامش وماشية وراه فى البيت
وانا ماسكة عصاية المأشاه وعاملة زى الغفير براقبه

[ندعوك للتسجيل في المنتدى أو التعريف بنفسك لمعاينة هذه الصورة]

وعماله اكلم نفسى يا ترى مين المزة؟؟ مين ؟؟ مين؟؟
يا اخواتى بذمتك انا مش عندى حق ؟؟
فيها مزة ولا..... لا؟؟
طيب محدش شاف احسان مع مزة؟؟ ماتخافوش مش هاقوله بس يفتن
عموما انا مش هبطل شك لحد ما حد يدينى ميسد ويقولى انه ظبطه متلبسا
وسيبوا الباقى عليا دانا شفق الله والاجر على الله